标签：最后 决赛
摘要：世界杯决赛周32强到最后召集大日子，剩番6个席位，全部会今晚同听日凌晨附加赛决出。英超返有线喇，由依家欧联欧霸杯，到下年世杯然后英超开锣，加埋广州亚运同伦敦奥运，真系谂起都兴奋！唔讲远今晚就有6场世杯附加赛，我睇好迎战葡萄牙波斯尼亚。首回合一开始，葡萄牙系威系势先开纪录，但之后反而畀波斯尼亚占尽优势，传中波威胁到葡军都招架唔住。其实波斯尼亚之前外围赛表现都有板有眼，主场出战都净系输过畀欧洲之霸西班牙。今场表面上波斯尼亚前、中、后三线都有球员停赛，所以足智彩开“让球主客和”仲要客队让波够晒凶狠，不过咁样反而合我心意，事关葡萄牙亦有C朗继续养伤，成班波当堂走晒样。
　　世界杯决赛周32强到最后召集大日子，剩番6个席位，全部会今晚同听日凌晨附加赛决出。12路雄师今次打餐死，要争除要争做决赛周32强6幅最后拼图，仲有就系一笔可观经济收益，事关根据英国经济和商业研究中心（CEBR）06世杯估计，32个出战国都会因为呢项盛事，各方面得到多达2,000亿港元收益，相隔4年，呢个数字肯定有增无减，呢次附加赛大战唔搏命点掂？
　　英超返有线喇，由依家欧联欧霸杯，到下年世杯然后英超开锣，加埋广州亚运同伦敦奥运，真系谂起都兴奋！唔讲远今晚就有6场世杯附加赛，我睇好迎战葡萄牙波斯尼亚。（有线64及广东体育周四凌晨3:45直播）
　　首回合一开始，葡萄牙系威系势先开纪录，但之后反而畀波斯尼亚占尽优势，传中波威胁到葡军都招架唔住。中柱中楣都有三次，连观众席上C朗拿度都睇到咬晒手指，可惜一个作客入球都唔到，比较唔抵。
　　C朗缺阵成班波走晒样
　　其实波斯尼亚之前外围赛表现都有板有眼，主场出战都净系输过畀欧洲之霸西班牙。相反，葡萄牙都系危危乎先到个次名踢附加赛，以一支强队讲显得唔够说服力。
　　今场表面上波斯尼亚前、中、后三线都有球员停赛，所以足智彩开“让球主客和”仲要客队让波够晒凶狠，不过咁样反而合我心意，事关葡萄牙亦有C朗继续养伤，成班波当堂走晒样。再加上外国庄家开出波斯尼亚受让平半都只系低水，明显唔敢太睇死佢，可见足智彩个1.62倍“让球主胜”相当值博，嫌奀就索性要埋波斯尼亚冷W，3.05倍敲得过！

相关文章: